السلام عليكم ورحمة الله وبركاته >> مسويه رسميه P:

اليوم ببدأ ادون في دفتري اقتباسات من اللي يحصل في يومي ورح احاول انزل لكم صور من اللي يحصل في يومي ,بنزلكم اممم زي السوالف يعني اقولكم وش سويت وش اخذت وش اعطيت وايش صار لي من مواقف 
وكذا ...

وبما انه هذا اول تدوين لي .. الحين دخلنا باليوم الجديد الثلوث الساعه 12:11 ص
وطفشااانه مرررره .. مسافرين للطايف عشان شغل ابوي وقاعده بالفندق وعاد هات يا انواع الطفش
من زود الطفش قمت اتابع افلام كرتون واتهاوش مع اخواني وحتى الشاحن تهاوشت معه << نفسيه ادري

بكلمكم شوي عن نفسي او السيؤه الذاتيه :
انا رودي .. عمري 16 
انا نوع من الرحاله تقريبا ههههههه ,يعني انولدت بالرياض بعدين نقلنا الشرقيه قعدت سنتين وبعدين نقلنا للرياض قعدت 3 سنسن وبعدين نقلنا لجده برضو قعدت 3 سنسن ورجعت للرياض < ويارب ما انقل طفشت وانا اكون صداقات وبعدين انقل "طقت تسبدي ياخي"

انا طالبه ثانويه اللي ميانه  شخص غير معه واللي رسمي اصير شخص ثااني معه 
مع اللي ميانه فالتها وخبله وعربجيه واستهبل والكل يحبني ونذله لابعد الحدووود هههه
اما مع اللي ماعرفهم مررره او مو ميانه معهم رسميه جداً اتبع نمط "خير الكلام ما قل ودل"
وطبعاً في النت شخصيه ثاانيه بعدد ههههههه بس ماقدر اوصفها P;

اعشق الريدبول والباريو حب لا ينتهي ههههه
افضل المواقع بالنسبة لي تويتر مسااحه حرره اعتبره واحب الاسك وقت الطفش P; اما الفيس بوك ما اطيقه بس اذا خلاص وصلت لاخر حد من الطفش فتحته 
هواياتي لعب كرة السله والسباحه واحب التصوير 
انا شخص مايلبس فساتين مرررره :( ولا تنانير اكرهها جداً ,عذاب بالنسبه لي لبسها لبستها مرتين وحرمت بعدها P; .. البس بناطيل وتيشيرتات والرسمي قمصان وجواكيت رسميه <لحد يستفسر زياده تراني معقده P;

انا ينطبق علي مثل "طنش تعش تنتعش"  ماهمني احد بالمررره ,وفيني برودة لا يطاق واحجرر بشكل مو طبيعي ومستفزه درجه ولى واذا طفشت من سواليفك تبدأ حالة التزبيد حقتي .. وبالتأكيد انا شخص زول

ماحب الموسيقى الهاديه تجيبلي اكتئاب .. بس استثني منها كم اغنيه P; 
ما اسمع اغاني عربي ابدد ,يعجبني صوت Rihanna مالي فنان محدد اسمع له ولا مغني مفضل ابدد

تعجبني حركات الاستهبال والفله والوناسه بس بحدود فيه خطوط حمراء ما نتجاوزها ..!!
انا غامضه .. مستحيل احد يقدر يفهمني ابداً .. 

اعشق الافلامم .. طبعا عربي مالي فيه .. مسلسلات ابد ماعرف اتابع >اصلا كلها ماتعجبني P;

طموحي اكون دكتورة في المختبرات .. اللي يسمعني يقول ذي مستحيل تفلح بس ياما تحت السواهي دواهي P;

انا اعتمد على احساسي كثير لانه دايم صادق ,وانا شخص عقلاني جداً مالي بالعواطف ابد ولا تأثر فيني 
مادري ليش .. < متبلدة احساس ههههههه
اكره شي بالحياه اذا احد عاد علي الكلام ولا يخليني اعيد الكلام مرررره اكره كذاا 
يعني مثلاً اذا احد بيصحيني من النوم يقولي رودي رودي رودي> كذا اتنرفز واعصب واقلبها نكد
واذا قلت لك سالفه وبعدين قلت لي عيدي وعدت مره ثانيه ولا استوعبت .. عاد قابلني لو قلت لك سالفه مره ثاانيه P;

انا شخص عصبي على الاشياء اللي تنرفز زي ماقلت لكم فوق .. بس بالنقاشات والاشياء اللي كذا 
فيني برود يقطع الشخص اللي قدامي مهما كان عمره كبير صغير بس يتقطع هههههه يعني ممكن يسووي حركات لا اراديه .. والناس يقولون هذا اكره صفه فيكي بس وش اسوي  ههههههههه

انا شخص لا يؤمن بالحب < اي كيفي لا تطالعون كذا P; 
اعتقد انه مو موجود اسااساً لان كل قصة حب تنتهي وبشكل انتم عارفينه اكثر مني بالذات بعصرنا الحالي
انا لا جربته ولا ابي اجربه بس اقولكم ترا ممكن تحب وتنحب بس بالنهايه بتندم انا شفت قصة حب بعيني
ومع شخصين اعرفهم زين والبنت قريبه مني جداً وانتهت بشكل يقطع القلب الى درجة انا تأثرت :( وانا محذره من قبل بس لا حياه لمن تنادي .. وقصة حبهم من الطفوله .. الموهم ماعلينا منهم P;

مابيكم تطفشون مني وانا توني مابديت ..!!
مدمنة تقنيه .. اعشق الاجهزه بشكل .. ودفرره فيها .. اللي بيشتري جهاز يسألني اول افيده تراا 
كل العائله المصونه وخوالي واعمامي يستشيرونني اول قبل مايشترون P; << خلاص بطلع براا ههههه

بما انه قريب بتبدأ مغامرات قروب اوم الحاله بقولكم وش قصتهم ..
الله يسلمكم هالقروب مكون مني ومن بنات خوالي .. نعم لنا تاريخ اسود P;
حنا من زمان يعني بنات خال ونلعب مع بعض من سن الطفوله < قولي قسسم
بس فكرة قروب اوم الحاله بدأت في السنه اللي فاتت بمثل هالوقت بالظبطط 
كنا بالطايف وماخذين فله "فله يعني زي البيت كذا مو يعني ونااسه هههههه"
ايون وجاتني هالفكره الخنفشاريه نسمي قروبنا اوم الحاله وسمينها وصرنا نسوي اشياء الله لا يوريكم
احس مستشفى شهار يرسل اشعاعات ممغنطه كهربائيه لا سلكيه يخلي الناس اللي بالطايف ينهبلون
القروب مكون من "انا رغد وريوف وعنود ولولو وروان "
تصدقون مره رحنا لسطح الفله وكان قدامنا فله كل ابوها شباب الساعه يمكن 3 ونص بالليل نشرب بيبسي وناكل بطاطس ليز ملح وخل ومستلمينهم هذا لف شوفي هذاك لابس وردي هههههه لا شوفي ابو قذله هذا 
ولا ريوف اكبر خوافه فينا من بعد لولو تقول بنات قاعد يطالعنا ياويلي .. المشكله انه ماهو لمنا يطالع تحت بس هي الله يهديها ههههه, من بكرا راحو وخلوني انا وعنود وروان ولولو بالبيت وقمنا ع الظهر جانا فضول نروح ندخل فلتهم .. طبعا فللنا بالانتر وكل الفلل بيبانها مفتوحه حتى باب فيلتنا والشارع فاضي لا سيارات ولاهم يحزنون, رحنا لفلتهم دخلنا للحوش شفنا جزمه بالحوش قلنا اكيد هذي مرميه على واحد من الشباب < شوفي التفكير بسس  ,, وسياراتهم مرره عاديه فورد والفله فاظيه شكلهم طالعين جينا بنتهور وندخل جوا بس قلنا نخاف يطلع علينا واحد ناسينه هههههههه ورجعنا p; طبعا في الطايف سوينا مصاااايب وهذي اهونها 

عنود اللي قلت لكم عنها فووق .. هذي قريني .. اعتقد كلكم تعرفون معنى قرين هههههه 
هذي صقيقتي وعبيبتي وكل شي p; << لها قصه هالكلمتين مع الوقت بتعرفونها
انا وعنود مقررين ما نتزوج وندرس بكندا الين ما تطلع الدراسه من خشمنا بعدين اذا سوينا جوله للعالم
وطفشناا نفكر نتزوج نجيب بزرين ونشوته هههههههههه يعني لاحد يتزوجنا نصيحه p;
انا لعب بلايستيشن3 احذرو انا قادمه .. معروفه باسم رائد عشان ناخذ راحتنا وكذا ههههه
تعرفون حركات العيال وكذا لكن حاليا انا هاجرته لي 3 شهور بسبب مشاغل الحياه < اوخس يا انا

وعندنا تقليد انا والقروب .. اذا اجتمعنا فيه شي اسمه سهره مكونه من ضحك موب صاحي 
"هكونا ماتاتا " p; << كم انا مغبره

انا شخص هلالي متعصب < اكيد طبعاً النصر عدوي اللدود .. صديقي الرياضي الاتحاد وبسس ههههه
تقريبا هذا اللي اعرفه ..!!


القروب مهتم بـ الاسك,االتويتر,الفيس بوك,البارلينقو احياناً,على بلاطه بكل مكان بننط عليكم فيه p;
ولا وحده مننا عندها بيبي < شي غريب ادري كل الناس يقولونه 
كلنا ايفون كل اللي بالعائله الكريمه حقتي وعائلاتهم الكريمه < مادري ليش جدد؟؟

والحين الساعه 1:29 ومادري وش اكتب ..!!
يب انا شخص مولود بالبرد عشان كذا اكره الحررر >
احب حركات المخيمات والدبابات والفله وكذاا 
< مادري وش قصتي مع وكذا و انا شخص هههههه

المهم انا جاني النوم ارجع لكم بكرا سلااام p;