مساء / صباح الخير متابعيني الاعزاء

اسعد الله اوقاتكم بكل خير < نشرة اخبار صارت 
الموهم اليوم الثلاثاء والساعه 6:42 المغرب وانا بالفندق < ماقلت شي جديد
لا جديد الاوضاع مستتبه طفش وزهق ...!!

اليوم ماني ناويه اطلع .. بس رحت افطرت الصباح فوق في المطعم ورجعت ..
حالتي صعبه جداً < لدرجة اني حاطه سبيس تون *O* هههههههه
عشان مافيه شي جديد ىبسولف لكم عني وعن قروب اوم الحاله P;

بداية ايام الشتاء اللي راح تذكرون اعطو الرياض اجازه يوم الثلاثاء عشان الامطار وكذا 
في اليوم اللي قبله جو القروب لبيتي ونامو عندنا .. طبعا ما تتصورون شلون استانسنا يوم عرفنا انو بكرا اجازه طبعا مو الكل لان فيه البعض متقاعدين "عطالي بطالي يعني" ههههههه يعني مايفرق معاهم
الموهم .. في ذاك اليوم فتحنا اسك للقروب .. وسهرنا عليه واستهبلنا ههههههه عاد يروح البرستيج لو اعطيتكم الرابط هههههههه P;

الموهم كانت ليله كلها لحسه وهبال وضحك من غير سبب وبسبب قومنا البيت كله الله ههههههه
وطبعا هذا كله في السهره صار من بكرا قمنا بدري .. اجواء الرياض باريسيه كانت
امطار والجو مررررررره بارد وتجمدنا من البرررد افطرنا وطلعنا للثمامه 3>

كانت نيتنا نكشت كشته هاديه ومؤدبه وكذا لاكن مع قروبنا مافي امل .. حكمنا اننا نلعب بالدبابات بالغصب
المكان كان كله شباب وقريب من الشارع العام .. بس ما اهتمينا .. والمشكله رايحين مع سوااق ياليت معنا رجال <والسواق موب رجال ههههههه الموهم لا تدققون .. اخذنا يمكن 3 دبابات وكلها لونها تفاحي << الله يقطع شيطاننا على ذا اللون هههههههه
يعني مادري شلون اوصف لكم اشكالنا .. عبايات ولابسين جاكيتات فوق العبايات وراكبين دبابات ولونها تفاحي وطين ومويه ومطر وشارع وشباب من كل جهه .. الموهم مادري وش كنا نحس 
المشكله ماحسينا بالوضع لعبنا وترطشنا مويه واستهبلنا والشباب بس يرمون علينا كلام وحنا معطينهم بولباااس قوي ههههههه الموهم يوم شافونا ماقلنا شي استاأجرو دباب وقامو يحارشوننا يمرون من جنبنا 
ويملوننا مويه وطين الموهم زقت معي انا وعنود قمنا نعاندهم ونسوي زيهم <كنت انا وياها بدباب واحد < صح جانا تهزيء محترم بس عاد شنسوي .. تمادو الربع وجابو سيارتهم جنب سيارتنا عاد امي وصلت معها ورجعت الدبابات وورجعتنا للبيت هههههههه وتهاوش المشكله ما غلطنا بس بتطلع حرتها بأحدد P;

انا وعنود ولولو قاعدين ورا وقالبينها سامري وجلسات وناسه .. ولو تدرون وش نغني كان تبرأتو مننا هههههههههه اما المراتب اللي بالنص فيها روان وريوف وامي وقدام السواق وكذا يعني P;
طبعا جوهم غير عننا ورااا سواليف وخرابيط وكذا وحنا جلسات وناسه ... 

رجعنا البيت استلمنا رومنا كم من ساعه بعدين جاتنا ريوف تقول تبون نتغدا من براا ؟
طبعا جواب معروف رده قلنا كلنا يب .. الموهم بعد نقاش استمر يمكن نص ساعه قررنا نطلب من مااك 
المشكله ياليتنا ارسلنا السواق يجيبلنا كل ابو القروب رحنا ماك نطلب ونجيب الاكل للبيت < مادري وش نحس P;

لا ولا اكتشفنا انو ما معنا فلوس الا لما وصلنا وطلبنا الموهم اخذنا ميه من ذي ومدري ايش الين ما سددنا ههههههه زين انو معنا فلوس ولا كان طاحت وجيهنا P;

رجعنا البيت واكلنا وكل شي تمااام وحنا ناكل تابعت فلم هندي لا ومندمجه معه واسكتهم اسغفر الله بس ههههههههه ما حصلت صورة للاكل وطلعة الثمامه فيها صورنا فما اقدر انزلها P; فبنزل صور في سالفة ثانيه 

الموهم اكمل لكم .. من بكراا كانت الاجوااء بارده طلعنا الحوش الصباح وكان الجو مرره حلو بس الشمس اعمتنا .. طبعا من ذكائي انا وعنود جبنا كراسي وجبنا وهذاك اللي مادري شيسمونه اللي زي الساتر 
<< والله مادري وش يسمونه بس انه زي الساتر حطيناه ورانا عشان الشمس وروقنا .. وجينا بناكل حلاو جيلي لقيناه مصنم من البررد ههههه كنا شابين نار عشان نشوي ذره وقمنا نذوب الحلاو عشان يلين ونقدر ناكله هههههه اشكالنا مرره ابداع 

هذي صوره للذره اللي كنا نشويها :))

file:///C:/Users/a/%D8%A8%D8%B1%D8%A7%D9%85%D8%AC/Tracing/%7B95cca107-97ff-4fcf-b61f-5fbf52571394%7D/Desktop/%7B95cca107-97ff-4fcf-b61f-5fbf52571394%7D/Desktop/%7B95cca107-97ff-4fcf-b61f-5fbf52571394%7D/Desktop/IMG_4309.JPG

هذي جلستي انا وعنود .. :؛

file:///C:/Users/a/%D8%A8%D8%B1%D8%A7%D9%85%D8%AC/Tracing/%7B95cca107-97ff-4fcf-b61f-5fbf52571394%7D/Desktop/%7B95cca107-97ff-4fcf-b61f-5fbf52571394%7D/Desktop/%7B95cca107-97ff-4fcf-b61f-5fbf52571394%7D/Desktop/IMG_4314.JPG

بليز لحد يتطنزز ادري تفشل بس ابتكارات انا وعنوود ههههه P;

برجع اكمل اليوميه بعدين الحين بنطلع برب 
________________________________________
بآآكـ ورجعت نسيت اليوميه مرررره ههههههه الحين الساعه 12:36 مدري يعتبر صبح ولا لسا ليل 
الموهم .. وكالعااده كل الدجاج بالبيت نايمين الا رغد البومه قايمه ..

ياخي محد وده يسهر معي .. نظام مصطفى كلهم P;
يالله شنسوي بعدد ..!! 

يب نرجع لمحور حديثنا .. شوينا ذره واكلنا ...الخ << نسيت وش سوينا بعدين 
بس اذكر بالليل طلعنا نتعشى برا .. اعتقد رحنا مطعم نسيته ... الموهم 
شربنا فيه شمبانيا سعودي .. انا وعنود وريوف اعتقد فصلنا عليهم بالمطعم هههههههههه <ياحياتي مصدقين انه شمبانيا .. بس والله جد فصلنا تخيلو لو يجي احد يقولنا فيه واحد مشا ومشا ومشا وبعدين طاح ..نفطس ضحك بشكل موب صاحي يمكن نتسدح بالارض هههههههههههه اشكالنا تووحفه والله احس لو قاعدين زياده بيطردوننا .. 

يب يب تذكرت اسم المطعم هههههه سرايا التركي هذاكـ هههههههه <فصلت عليكم الموهم
هذي صوره للشمبانيا هههههههههه < لاجد شكلي فصلت عليكم

file:///C:/Users/a/%D8%A8%D8%B1%D8%A7%D9%85%D8%AC/Tracing/%7B95cca107-97ff-4fcf-b61f-5fbf52571394%7D/Desktop/%7B95cca107-97ff-4fcf-b61f-5fbf52571394%7D/Desktop/%7B95cca107-97ff-4fcf-b61f-5fbf52571394%7D/Desktop/IMG_4270.JPG

اهم شي الباقين كلهم بيبسي بس انا وعنود اللي شمبانيا سعودي .. P; 
خالف تعرف يقولون ..يالله طولت عليكم .!!

اشوفكم بكرا الساعه 12 P; سلاااااااااام